|
Новиот USB стик е уред кој нема одредена количина за запишување на податоци
Овој USB порт е еден од оние најсеприсутни компјутерски интерфејс уреди било кога дизајниран. Овој порт доаѓа во најразлични големини и форми а може да се најде во најразлична употреба кај компјутерите, гејминг конзолите, телевизорите, кабелските кутии, камерите и каде уште не. Бројот на начини каде што може да се употреби овој порт е едноставно зачудувачки.
Компанија наречена Infinitec најави нов Infinite USB Memory Device или IUM. Компанијата го опиша IUM како следна генерација на USB флеш драјвовите. Овој драјв ветува можности на стримување на аудио и видео медиа и се тврди дека нема повеќе потреба да се грижите уште колку место ви останало на него како и отстранувањето на податоците за да на него додадете нови
IUM им овозможува на корисниците да споделуваат цели тврди дискови со серверите, надворешни тврди дискови како и со било каков друг вид на тврди дискови кон кои можете да пристапите и со вашиот џебен компјутер. Тоа ефективно значи дека никогаш нема да ви снема простор, се додека имате простор на вашиот персонален компјутер. За тоа колкава количина на податоци можат да бидат споделени може да се одреди со поставување на ниво на споделување почнувајќи од одредена фотографија па се до комплетниот тврд диск.
IUM ги поддржува сите формати на датотеки па доколку некоја биде украдена или изгубена, ниедна од нив нема да ја снема заедно со драјвот бидејќи е веќе складирана на друга локација која всушност служи за складирање на податоците. Infinitec исто така тврди дека овој драјв може да стримува медиа од преносен компјутер кон било кој уред со USB порт вклучувајќи ги телевизорите, DVD плеерите, гејмерските конзоли и други. Назначено е и дека IUM поддржува Playstation 3, Nintendo Wii и xBox 360.
За да можете да го употребувате IUM тој мора да биде поврзан со компјутер и може да се спои само со еден компјутер. Ова овозможува повеќе IUM да се користат на локација без интерфеис. Лошата страна на IUM е тоа што овој драјв го користи тврдиот диск на вашиот персонален или преносен компјутер, па ако се одлучите да појдете на патување ќе морате да го земете тој компјутер со вас ако сакате да пристапите кој податоците складирани во него. Уште еден интересен податок е тоа што овој уред може да се користи за испраќање на дигитални фотографии од вашиот компјутер во дигитална фото рамка.
Кога ќе биде достапен и цената сеуште не се познати.
извор www.tehnologija.com.mk
 |
